महिलांसाठी मुद्रांक शुल्क सवलत
महिलांना घर खरेदीदारांसाठी एक टक्का मुद्रांक शुल्क माफी
आंतरराष्ट्रीय महिला दिनानिमित्त 8 मार्च 2021 रोजी महिलांसाठीच्या मुद्रांक शुल्कावर एक टक्क्यांची सूट 1 एप्रिल 2021 पासून लागू झालेला असून महाराष्ट्र राज्य सरकारने 2021-22 च्या अर्थसंकल्पात महिलांच्या मुद्रांक शुल्कावर 1% सवलत जाहीर केलेली आहे.
महिलांना मुद्रांक शुल्कावर 1% सवलत आहेमहिलांना घर खरेदीदारांसाठी एक टक्का मुद्रांक शुल्क माफी
निवासी मालमत्ता (घर, फ्लॅट, बंगला इ.) खरेदी करावयाची असून विक्री डीड (जमीन व व्यावसायिक मालमत्ता वगळण्यात आल्या आहेत) नोंदणी करून इच्छुक असलेल्या महिलांसाठी राजमाता ग्रह स्वामिनी योजनेंतर्गत उपमुख्यमंत्र्यांनी घोषणा केलेली असून निवासी मालमत्तांवर 1% सवलत मिळवू शकतात. स्थावर मालमत्ता (केवळ निवासी) वैयक्तिकरीत्या किंवा सह-मालकासह (केवळ महिला) खरेदी करण्याची स्त्रिया इच्छा असल्यास, मुद्रांक शुल्कात 1% सवलत मिळू शकते.
सदर आदेशांन्वये देण्यात आलेल्या मुद्रांक शुल्क सवलतीचा लाभ हा केवळ एक किंवा अनेक महिला खरेदीदार असलेल्या कोणत्याही प्रकारच्या रहीवाशी घटकाशी संबंधीत जसे की, फ्लॅट किंवा वैयक्तीक बंगला किंवा रो - हाऊस किंवा कोणतेही स्वतंत्र घर किंवा कोणत्याही प्रकारची सदनिकेच्या हस्तांतरणपत्र किंवा विक्री करारपत्राच्या संलेख तथा दस्तांवर देय राहील.
31 मार्च 2021 रोजी महसूल व वनविभागाने ऑर्डरद्वारे 1 एप्रिल 2021 पासून सवलत लागू केली आहे.
अटी व शर्ती
1)महाराष्ट्र शासन राजपत्रात प्रसिध्द करण्याच्या दिनांकापुर्वी, उक्त संलेखाशी संबंधित कोणत्याही पक्षकाराने आगोदरच मुद्रांक शुल्क भरले असेल त्याबाबतीत, कोणताहि परतावा देण्यात येणार नाही.
2)सदर आदेशाखाली मुद्रांक शुल्क सवलतीचा लाभ घेतलेल्या कोणत्याही महिला खरेदीदाराला/खरेदीदारांना उक्त दस्तामध्ये नमुद रहिवासी घटक उक्त रहिवासी घटकाच्या खरेदीच्या दिनांकापासुन म्हणजेच स्त्री खरेदी केलेल्या तारखेपासून 15 वर्षांच्या लॉक-इन कालावधीसह कोणत्याही पुरुष व्यक्तीला ती मालमत्ता विक्री करू शकत नाही. जर उक्त रहिवासि घटकाची संबंधित महिला विक्रेता/विक्रेत्यांकडुन सदर अटी व शर्तीचि पुर्तता करण्यास कसुर केल्यास किंवा पालन करण्यास अयशस्वी झाल्या तर त्यावर एक टक्का मुद्रांक शुल्क (उक्त कमी भरलेला १% मुद्रांक शुल्क) आणि दंड (लागू होणारा दंड) भरण्यास जबाबदार असेल.
परंतु, आणखी असे की, उक्त रहिवासी घटकाशी संबंधित महिला खरेदीदार/खरेदीदारांचे निधन झाल्यास अशा प्रकरणी तिच्या वारसदारांच्या नावे उक्त रहिवासी मालमत्ता हस्तांतरीत झाल्यास अशा प्रकरणी वर नमुद अटीचे बंधन राहणार नाही.
Adv. Sarika Khude
(Rajgurunagar, Pune)